माडीका शिक्षक एवं मोडल सारिका महतो हिमालयन मुभिजद्वारा आयोजित मिसेस हिमालयन नेपाल २०२४को फर्स्ट रनरअप हुन सफल हुनुभएको छ ।
माडी-३, इनारबरूवा निवासी महतो शनिवार अपरान्ह काठमाडौंस्थित ज्यापु प्रज्ञा एकेडेमीमा सम्पन्न सो सौन्दर्य प्रतियोगितामा दोश्रो (फर्स्ट रनर अप) स्थान पाउन सफल हुनुभएको हो ।
विवाहित महिलाहरुको सहभागिता रहेको सो प्रतियोगितामा महतोले मोस्ट कन्फिडेन्ट अवार्ड समेत पाउनुभयो । माडीको पिसल्याण्ड इङ्गलिस स्कुलमा शिक्षण गर्नुभएका उहाँ हाल काठमाडौंस्थित सुभयुग सेकेण्डरी स्कुलमा शिक्षण गर्नुहुन्छ ।
प्रतियोगिताको विजेता भने काठमाडौं थलीकी सौन्दर्यकर्मी कविता विशुंखे बनेकी छिन् । विवाहित महिलाहरुको सौन्दर्यता र बौद्धिकता विकास गर्ने उद्देश्यले सो प्रतियोगिता आयोजना गर्दै आएको आयोजक हिमालय मुभिजले जनाएको छ ।
