पोखरालाई ३० रनले हराउँदै चितवन तेस्रो स्थानमा, पोखराको प्लेअफ यात्रा कठिन

चितवन, २० कार्तिक, २०८३ । नेपाल प्रिमियर लिग (एनपीएल) मा चितवन राइनोजले पोखरा एभेन्जर्सलाई ३० रनले पराजित गरेको छ ।

शुक्रबार कीर्तिपुरस्थित त्रिवि क्रिकेट रंगशालामा चितवनले दिएको १५२ रनको लक्ष्य पछ्याएको पोखरा १९ ओभरमा १२१ रनमै अलआउट भयो ।

चितवनको जितमा रिजन ढकालले चार र कमलसिंह ऐरीले तीन विकेट लिए । ब्याटिङतर्फ शिकन्दर राजाले ३७, रबि बोपाराले ३५ र अर्जुन साउदले ३१ रन बनाए ।

जितसँगै पाँच अंक जोडेको चितवन अंकतालिकाको तेस्रो स्थानमा उक्लिएको छ । लगातार चौथो हारसँगै पोखराको प्लेअफ सम्भावना कठिन बनेको छ ।

यो पनि पढ्नुहोस :

मधेसमा जसपा नेपालको नेतृत्वमा नयाँ सरकार गठनको तयारी, एमाले र नेकपाबीच सहमति