सहनशीला महिला बचत तथा ऋण सहकारी संस्था लिमिटेडको १६ औं बार्षिक साधारणसभा अाज आइतबार माडीको बरुवास्थित गर्दी सामुदायिक पुस्तकालयको प्राङ्गणमा सम्पन्न भएको छ ।
सहकारीकी अध्यक्ष शुसिला पोखरेलको अध्यक्षतामा सम्पन्न सो कार्यक्रमको प्रमुख अतिथि माडी नगरपालिकाका सहकारी संयोजक तथा वडा नं. २ का वडाध्यक्ष ईश्वरी प्रसाद ढकाल रहनुभएको थियो । अतिथिहरुमा गर्दी सामुदायिक पुस्तकालयका अध्यक्ष भरत प्रसाद तिमिल्सिना, कृषक उपकार बचत तथा ऋण सहकारी संस्था लिमिटेडका व्यवस्थापक चुडामणी पैनी लगायत रहनुभएको थियो । सो साधारणसभाले सहकारीको आर्थिक बर्ष २०७५/७६ को लेखापरीक्षण तथा प्रगति प्रतिवेदन पारित गरेको छ । कार्यक्रममा सहकारीका सदस्यहरुको उल्लेख्य उपस्थिति रहेको थियो ।
