नेपाल सरकारका पूर्व शिक्षामन्त्री एवं नेपाल कम्युनिष्ट पार्टी (नेकपा)का केन्द्रीय सदस्य तथा दोश्रो संबिधानसभाका समानुपातिक सभासद धनिराम (डि.आर.) पौडेलको निधन भएको छ । उहाँको आज शुक्रबार बिहान करीब ७ बजे हृदयघातका कारण निधन भएको उहाँको परिवार निकट श्रोतले जानकारी दिएको हो । यद्यपि अस्पतालले यसको औपचारिक घोषणा गर्न भने बाँकी रहेको छ । हाल उहाँको शव बघौंडा अस्पताल, बसन्तपुरमा रहेको छ र त्यहाँ परिवार सदस्य एवं पार्टीका जिल्ला एवं नगरस्तरका नेताकार्यकर्ताहरु जम्मा हुन थालेका छन् ।
यसैबिच, नेकपा माडी नगर कार्यालयको आकस्मिक बैठक केहि समयमा बस्न लागेको छ । त्यसैगरी बिहान ११ बजे नेकपा अध्यक्ष पुष्पकमल दाहाल प्रचण्ड र नेकपाका प्रवक्ता नारायणकाजी श्रेष्ठ प्रकाश माडी आउन लाग्नुभएको पार्टीनिकट श्रोतले जनाएको छ ।
