दिनभर माडीभर माग्दै हिँडेर राती बाँदरमुढे खोला किनारको बाँसघारीमा रात बिताउँदै आउनुभएका माडीका एक बृद्धको जीवनमा ठूलो बदलाव आएको छ ।
भरतपुरस्थित मानव सेवा आश्रमले उद्धार गरेपश्चात उहाँको जीवनले नयाँ मोड लिएको हो । गत मंसिर २५ गते बिहान उद्धार भई हाल भरतपुरस्थित आश्रममा संरक्षित उहाँलाई आश्रमका स्वयम्सेवीहरुले सहयोग गरिरहेका छन् । उद्धारका क्रममा गाह्रो मानेका बृद्ध क्रमशः आश्रमको जीवनमा अभ्यस्त हुँदै जानुभएको आश्रमकी संयोजक निता के.सी.ले जानकारी दिनुभयो ।
यसैबिच, मानवसेवा आश्रमले माडीका थप एकजना घरबारविहीन सडक बृद्धको उद्धार गर्न लागेको छ । बाँदरमुढे खोला छेउमै बस्दै आउनुभएका अर्का एक बृद्धलाई माडीका स्वास्थ्यकर्मी गोबिन्द नेपालको सहयोगमा उद्धार गर्न लागिएको संयोजक के.सी.ले स्वदेशलाई जनाउनुभयो ।
