चितवन, ५ मंसिर, २०८३ । नेकपा (एमाले)का नेता एवं पूर्वमन्त्री प्रदीप ज्ञवालीले राजनीतिक असन्तुष्टि र परिवर्तनका नाममा हिंसा, आगजनी तथा तोडफोडको बाटो रोजेर देश अघि बढ्न नसक्ने बताउनुभएको छ ।
शनिबार काठमाडौंमा आयोजित नेपाल अन्तर्राष्ट्रिय शान्ति सम्मेलनमा बोल्दै उहाँले सरकारको अक्षमता वा राजनीतिक असन्तुष्टिको समाधान हिंसा र विनाश हुन नसक्ने धारणा राख्नुभयो ।
ज्ञवालीले संक्रमणकालीन न्याय प्रक्रियामा भएको ढिलाइ स्वीकार गर्दै द्वन्द्वकालीन घटनाको सत्य स्थापित गर्न तत्काल आयोग गठन गर्नुपर्नेमा जोड दिनुभयो । साथै, नेपालको शान्ति प्रक्रिया सबै राजनीतिक दलको साझा प्रतिबद्धता बन्नुपर्ने बताउनुभयो ।










