एमाले माडी नगरको पत्रकार सम्मेलन : नगरको तेश्रो अधिवेशन माघ २६ र २७ गते हुने जानकारी (भिडियो)

माडी, चितवन । नेकपा (एमाले) माडी नगर कमिटिको तेश्रो अधिवेशन आउँदो माघ २६ र २७ गते बसन्तपुर बजारस्थित होटल प्याराडाइजको सभाहलमा सञ्चालन हुने भएको छ ।

एमाले माडी नगरले बिहीबार एक पत्रकार सम्मेलन आयोजना गरी नगर अधिवेशनबारे जानकारी गराएको हो । बसन्तपुर बजारस्थित नगर पार्टी कार्यालयमा सम्पन्न पत्रकार भेटघाट कार्यक्रममा बोल्दै नगर अध्यक्ष नारायण अधिकारीले ‘अधिवेशनको तयारी ९५ प्रतिशत सकिएको र २०८ जना प्रतिनिधिहरु चयन भइसकेको’ जानकारी गराउनुभयो ।

प्रतिनिधि छनौट भएकाहरुमा खुलातर्फ ३७, महिलाबाट २९, युवाबाट १७, उत्पीडित समुदायबाट १६, जनवर्गिय संगठनहरुबाट २४, मनोनित १० र हालको नगर कमिटिका सबै ७५ जना गरी २०८ जना प्रतिनिधि एवं केहि पर्यवेक्षकहरु नगर सम्मेलनमा सहभागी रहने उहाँले जनाउनुभयो ।

नगर अधिवेशनमा प्रमुख अतितिका रुपमा पार्टीका स्थायी समिति सदस्य भानुभक्त ढकालको प्रमुख आतिथ्य रहने, विशिष्ट अतिथिका रुपमा पार्टीका चितवन ईञ्चार्ज देवी ज्ञवाली आउने र कार्यालयमा भूमि आयोगका अध्यक्ष हरिप्रसाद रिजाल पनि सहभागी रहने उहाँले जनाउनुभयो ।

यो पनि पढ्नुहोस :

सार्वजनिक खरिदका आयोजनामा काम गर्ने श्रमिकको दैनिक ज्याला १ हजार ७४० रुपैयाँ तोकियो

पत्रकार सम्मेलनमा एमाले केन्द्रीय सदस्य यमबहादुर परियार ‘ईन्द्रजित’, चितवन जिल्ला उपाध्यक्ष श्यामकुमार बिष्ट, जिल्ला सदस्य एवं माडी नगरप्रमुख ताराकाजी महतो सहित जिल्ला एवं नगर तहका नेताहरुको उपस्थिति रहेको थियो । नगर अध्यक्ष अधिकारीकै अध्यक्षतामा सम्पन्न सो कार्यक्रममा अधिवेशन प्रचार प्रसार उपसमिति संयोजक कृष्णराज अधिकारीले सहजिकरण गर्नुभएको थियो ।