-
स्वदेश न्यूज डेस्क
- १ वर्ष अघि
- २४९ पटक हेरिएको
- 0 Comments
माडी, चितवन — समाजसेवी कृष्ण गुरुङले लण्डन म्याराथुनमा सहभागी रहँदै संकलन गर्नुभएको सहयोग रकमबाट (नेपालको चितवनमा) माडीका चारजना एकल महिलाहरुलाई ‘उद्यम विकास बीउपुँजी’ प्रदान गरिएको छ ।
ग्रिनल्याण्ड युवा क्लबको स्थानीय आयोजना र स्थानीय व्यवस्थापनमा शनिवार एक कार्यक्रमबिच पूर्वी माडीका श्रीमान गुमाएका चारजना एकल महिलाहरुलाई प्रतिव्यक्ति ५० हजार रुपैंयाका दरले बीउपुँजी रकम प्रदान गरिएको हो ।
विभिन्न कालखण्डमा श्रीमानको निधन भई एकल महिला रहनुभएका माडी-९ निवासी मीना भण्डारी, मञ्जु अधिकारी, सरला अधिकारी र हितमाया गुरुङलाई बाँकी जीवनमा उद्यम विकास गरी आयआर्जनमा सघाउन सो बीउपुँजी उपलब्ध गराइएको क्लबका सचिव विनोद अधिकारीले जनाउनुभयो ।
क्लबका अध्यक्ष सहदेव गुरुङको अध्यक्षतामा सम्पन्न सो कार्यक्रममा CAT UK का संस्थापक अध्यक्ष कपिल श्रेष्ठ तथा समाजसेवी कृष्ण गुरुङका बुवा पूर्ण बहादुर गुरुङले रकम हस्तान्तरण गर्नुभयो । कार्यक्रममा प्रमुख अतिथि रहँदै माडी–९का वडाध्यक्ष घनश्याम दवाडीले ‘तन बेलायतमा रहेपनि मनमा संधै माडी बोकिहिँड्नुहुने गुरुङलाई धन्यवाद’ व्यक्त गर्नुभयो ।
यो पनि पढ्नुहोस :
सार्वजनिक खरिदका आयोजनामा काम गर्ने श्रमिकको दैनिक ज्याला १ हजार ७४० रुपैयाँ तोकियो
गोर्खाप्रेनियर फाउण्डेशनका सञ्चालक समेत रहनुभएका माडी कृष्णनगर निवासी व्यवसायी एवं सामाजिक अभियन्ता गुरुङ, सहयोग संकलनको आह्वानसहित यसअघि गत अप्रिल २७ (आमाको मुख हेर्ने दिन)मा विश्वप्रसिद्ध लन्डन म्याराथनमा सहभागी रहनुभएको थियो । उहाँको सहयोगमा यसअघि माडीका तीनजना महिलाहरुलाई बीउपुजी सहयोग भएकोमा हाल उनीहरुले आर्थिक स्वावलम्बन हासिल गरिसकेका छन् ।
