१५ बैशाख, माडी । माडी नगरवासीले माडीमै रहेको इलाका प्रशासन कार्यालयबाट राष्ट्रिय परिचयपत्रको छापिएको प्रति (कार्ड) पाउने भएका छन् ।
यसअघि विवरण भरेर राष्ट्रिय परिचयपत्र नम्बर लिइसकेका करीब १० हजार माडीबासी नागरिकहरुको छापिएको परिचयपत्र इलाका प्रशासन कार्यालय माडीमा पठाइएको जिल्ला प्रशासन कार्यालय चितवनका सूचना अधिकारी मदन लामा थिङले जनाउनुभयो ।
गत भदौ २३ र २४ गते भएको जेनजी प्रदर्शनका क्रममा वितरण हुन नसकेका पुराना परिचयपत्रहरू अहिले उपलब्ध गराएर वितरण गर्न लागिएको हो । प्रदर्शनपछि खिचिएका नयाँ विवरणका परिचयपत्र भने अझै आइपुगेका छैनन् ।
प्रशासनले माडीवासीलाई इलाका प्रशासन कार्यालयमै पुगेर आफ्नो परिचयपत्र बुझ्न आग्रह गरेको छ । भरतपुर महानगरपालिकाका वडाहरुबाट पनि महानगरभित्रका केहि वडाको परिचयपत्र वितरण गरिने सो प्रशासनले जनाएको छ ।
