-
स्वदेश न्यूज डेस्क
- ४ महिना अघि
- ८२ पटक हेरिएको
- 0 Comments
२१ जेष्ठ, चितवन । एजुकेसन फर लाइफ (नर्वे) नामक संस्थाले माडी–४ स्थित खैरहनी माध्यमिक विद्यालयलाई करिब एक लाख रुपैयाँ बराबरको पुस्तक सहयोग गरेको छ ।
विज्ञापन १
संस्थाका प्रतिनिधिहरू कृष्ण पोख्रेल, मिना कार्की र विनोद अधिकारीले बिहीबार विद्यालय व्यवस्थापन समितिका अध्यक्ष सुवास तिवारीसहित विद्यालय परिवारलाई पुस्तक हस्तान्तरण गर्नुभएको हो । साथै विद्यालयमा अभिभावकसँग शैक्षिक अन्तरक्रिया कार्यक्रमसमेत सम्पन्न भएको छ। कार्यक्रममा जनकल्याण माध्यमिक विद्यालयका प्रधानाध्यापक रामबहादुर जिसीले अभिभावकहरूलाई सचेतनामूलक प्रशिक्षण प्रदान गर्नुभएको थियो।
विज्ञापन २
विद्यालय व्यवस्थापन समितिका अध्यक्ष सुवास तिवारीको अध्यक्षता तथा माडी नगरपालिका–४ का वडाध्यक्ष माधवप्रसाद चापागाईंको प्रमुख आतिथ्यतामा सम्पन्न कार्यक्रममा विद्यालयका प्रधानाध्यापक कुलानन्द भुसालले सञ्चालन गर्नुभएको थियो।
