चितवन, २६ असार २०८३ — फिफा विश्वकप २०२६ अन्तर्गत शुक्रबार बिहान भएको क्वार्टरफाइनलमा फ्रान्सले मोरक्कोलाई २–० ले पराजित गर्दै लगातार तेस्रो पटक सेमिफाइनलमा स्थान बनाएको छ।
अमेरिकाको बोस्टन स्टेडियममा भएको खेलमा फ्रान्सका कप्तान किलियन एमबाप्पे र उसमान डेम्बेलेले एक–एक गोल गरे। पहिलो हाफमा एमबाप्पेले पेनाल्टी गुमाए पनि दोस्रो हाफको ६०औँ मिनेटमा गोल गर्दै टोलीलाई अग्रता दिलाए। त्यसको छ मिनेटपछि डेम्बेलेले अर्को गोल थप्दै जित सुनिश्चित गरे।
यस हारसँगै मोरक्कोको अन्तर्राष्ट्रिय फुटबलमा लगातार ३४ खेलको अपराजित यात्रा टुंगिएको छ। अब फ्रान्सले फाइनल प्रवेशका लागि स्पेन र बेल्जियमबीचको विजेतासँग प्रतिस्पर्धा गर्नेछ।
जारी विश्वकपमा एमबाप्पेको गोल संख्या ८ पुगेको छ। उनले ३ असिस्ट पनि गरेका छन्, जसले उनलाई सर्वाधिक गोलमा लियोनल मेसीसँग बराबरीमा राख्दै असिस्टका आधारमा अघि बनाएको छ।
