चितवन, ३२ असार २०८३ — माडी नगरपालिकाले आर्थिक वर्ष २०८२/८३ की उत्कृष्ट स्वास्थ्यकर्मीका रूपमा कोपिला बोटलाई सम्मान गरेको छ।
आधारभूत स्वास्थ्य केन्द्र राधापुरमा कार्यरत स्वास्थ्यकर्मी बोटलाई स्वास्थ्यकर्मीहरूको कार्यसम्पादन मूल्याङ्कनका विभिन्न सूचकमा सबैभन्दा बढी अंक हासिल गरेको आधारमा उत्कृष्ट स्वास्थ्यकर्मी घोषणा गर्दै सम्मान गरिएको हो।
बिहीबार साँझ नगरसभाको सभाहलमा आयोजित वार्षिक समीक्षा कार्यक्रमको अवसरमा नगरप्रमुख ताराकुमारी काजी महतो र प्रमुख प्रशासकीय अधिकृत जगतप्रसाद भुसालले बोटलाई कदरपत्रसहित नगद रु. ५,००० प्रदान गरी सम्मान गर्नुभएको हो।
आधारभूत स्वास्थ्य केन्द्रले वडास्तरमा नागरिकलाई ओपिडी, सामान्य औषधि वितरण, खोप, गर्भवती जाँच र मातृशिशु स्वास्थ्य प्रदान गर्ने गर्छन्।
— — —
