-
स्वदेश न्यूज डेस्क
- १० महिना अघि
- २०६ पटक हेरिएको
- 0 Comments
१९ पाैष, माडी । बसन्तपुर युनाइटेड क्लबको आयोजनामा हरेक बर्ष सञ्चालन हुँदै आएको ‘माडी गोल्डकप’को २७औं संस्करण यस वर्ष अण्डर-१८ (यू-१८) राष्ट्रिय फुटबल प्रतियोगिताका रूपमा सञ्चालन हुने भएको छ ।
माडी गोल्डकप-२०८२ अन्तर्गत देशभरका १८ वर्षमुनिका खेलाडीलाई समर्पित गर्ने निर्णयसहित प्रतियोगिता ‘आउँदो माघ ३ देखि १० गतेसम्म बसन्तपुरस्थित खुला चौरमा आयोजना गर्न लागिएको’ क्लबका अध्यक्ष नबिन बस्यालले बताउनुभयो ।
प्रतियोगितामा माडीसहित देशका विभिन्न स्थानबाट उत्कृष्ट यू-१८ फुटबल टिमहरूको सहभागिता रहनेछ । ‘प्रतियोगिताको प्रथम पुरस्कार नगद १ लाख रुपैयाँ र द्वितीय पुरस्कार नगद ५० हजार रुपैयाँसहित ट्रफी, मेडल र प्रमाणपत्र प्रदान गरिने’ अध्यक्ष बस्यालले जनाउनुभयो ।
त्यस्तै, प्रतियोगितामा प्रत्येक खेलको म्यान अफ द म्याच, सर्वाधिक गोलकर्ता, उत्कृष्ट गोलकिपर, डिफेन्डर, मिडफिल्डर, फरवार्ड, नव-प्रतिभाशाली खेलाडी तथा स्थानीय सर्वोत्कृष्ट खेलाडीलाई समेत विधागत नगद पुरस्कारको व्यवस्था गरिएको छ ।
यो पनि पढ्नुहोस :
सार्वजनिक खरिदका आयोजनामा काम गर्ने श्रमिकको दैनिक ज्याला १ हजार ७४० रुपैयाँ तोकियो
महिला हिंसाविरुद्ध सचेतना फैलाउने उद्देश्यका साथ “हाम्रो गोल, महिला हिंसा विरुद्धको बोल” भन्ने नारासहित सञ्चालन हुन लागेको प्रतियोगितालाई सफल बनाउन आयोजकले सम्पूर्ण खेलप्रेमी, दर्शक तथा स्थानीयवासीमा सहयोग र उपस्थितिको अपिल गरेको छ ।
