माडी, चितवन । बिषालु प्रजातीको बन तरुल खाँदा माडीको लक्ष्मुनिया गाउँमा एकजनाको मृत्यु भएको छ ।
विज्ञापन १
पानीको मुहान सफा गर्न शनिवार बिहान स्थानीय सामुदायिक वनस्थित मुहान क्षेत्रमा जाँदा सेतो रंगको बन तरुल काँचै खानुभएका माडी-१, लक्ष्मुनियाँ निवासी ६४ बर्षीय जयनारायण ढकालको दुःखद् मृत्यु भएको हो ।
विज्ञापन २
बन तरुल खाई घर फर्किनुभएका उहाँलाई ढिलोगरी स्वास्थ्यमा समस्या देखापरेको थियो । अस्वस्थ भएलगत्तै परिवारले उहाँलाई भरतपुरस्थित पुरानो मेडिकल कलेजमा लगेकोमा उपचारको क्रममा आइतबार बिहान निधन भएको हो । वनमा भेटिने जंगली तरुल, च्याउ र अन्य फलफूल बिषालु हुनसक्ने भएकाले राम्ररी चिनेर मात्रै सेवन गर्न हुने स्वास्थ्यकर्मीहरु बताउँछन् । (प्रतिकात्मक फोटो)
विज्ञापन ३
