चितवन । नारायणगढबाट बीरगञ्ज जाँदै गरेको यात्रुबस दुर्घटना हुँदा १६ जनाको मृत्यु भएको छ ।
हेटौंडा बीरगञ्ज सडक अन्तरगत बाराको जीतपुर-सिमरा उप-महानगरपालिका वडा नं. २२ स्थित तीन नम्बर पूल नजिकै भयानक दुर्घटना हुँदा सो उच्च संख्याको हताहती भएको हो ।
नारायणगढबाट बीरगञ्ज जादैं गरेको बागमती प्रदेश ०६-००१ ख ०११० नम्बरको दुर्घटनामा परेको हो । बसमा अन्दाजी ३८-४० जना सवार रहेक थिए ।
दुर्घटनामा २० बढी जना घाइते भएका छन् । घाइतेहरुको मकवानपुर र चितवनमा उपचार सुरु भएको छ । मृतकहरुको सनाखत हुन बाँकी रहेको जिल्ला प्रहरी कार्यालय मकवानपुरले जनाएको छ ।
