चितवन । माडीको घोसरी गाउँमा खुकुरी प्रहारबाट एक युवकको ज्यान गएको छ ।
माडी नगरपालिका-४, घोसरी गाउँ निवासी अन्दाजी बर्ष ३३ का जीवन नेपालीको कुखुरी प्रहारबाट मृत्यु भएको हो । घरमा एक्लै रहेका समयमा गएराती उहाँमाथि खुकुरी प्रहार भएको थियो ।
अत्यधिक रक्तश्राव भएको र भुईंमा घोप्टिएको अवस्थामा उहाँको शव भेटिएको हो । शवको छेउमा रगत लतपतिएको अवस्थामा खुकुरी भेटिएको छ ।
घटनास्थलमा राती नै माडी प्रहरी पुगेको छ भने स्थानीयबासीहरु जम्मा भएका छन् । घटनाको अनुसनधान सुरु भएको माडी प्रहरीले जनाएको छ ।
