हाल अमेरिकामा बसोबास गर्नुहुने माडी भैरवपुरका दुर्गा तिवारी गैर आवासीय नेपाली संघ, राष्ट्रिय समन्वय परिषद् अमेरिकाको बोर्ड अफ डाइरेक्टरमा उम्मेदवार बन्नुभएको छ ।
२०२३-२५ कार्यकालका लागि यही जुलाई महिनाको अन्तिम साता निर्वाचन हुन लागेको एन.आर.एन.ए. अमेरिकाको महिलातर्फ बोर्ड अफ डाइरेक्टरमा उम्मेदवारी दिएको तिवारीले जानकारी दिनुभयो ।
सन् २००८ देखि अमेरिकाको विश्कन्सीनमा व्यवसाय गरिआउनुभएका तिवारीले माडी क्षेत्रमा आपत् बिपदमा परेका सहयोगापेक्षीहरुलाई आर्थिक सहयोग गर्दै आउनुभएको छ ।
पछिल्लो समय उहाँले कोभिड महामारीमा करीब ५० हजार, ब्लड क्यान्सर पीडित अनुष्का महतोलाई उपचार सहयोगस्वरुप २० हजार, रेवेश्वर शिव मन्दिरलाई १५ हजार र रामजानकी बालिका आश्रम देवघाटलाई २० हजार रुपैंया सहयोग गर्नुभएको थियो ।
हाल एन.आर.एन.ए. अमेरिका विन्सकन्सन च्याप्टरको महिला संयोजक रहनुभएका उहाँ राष्ट्रिय समन्वय परिषद् अमेरिकाको बोर्ड अफ डाइरेक्टर पदका लागि मत माग्ने र चुनाब प्रचार प्रसारमा व्यस्त रहेको बताउनुभयो ।
एन.आर.एन.ए. राष्ट्रिय समन्वय परिषद् अमेरिकाको अध्यक्षमा हाल माडीकै बुद्धिसागर सुवेदी पदासिन रहनुभएको छ ।
