चितवन । माधव मरासिनी अध्यक्ष रहनुभएका एनआरएनए ननरेसिडेन्ट नेपाली एसोसिएशनले नवनियुक्त परराष्ट्र मन्त्री आरजु राणा देउवालाई बधाई सहित कार्यसफलताको शुभकामना व्यक्त गरेको छ ।
एसोसिएशनका अध्यक्ष मरासिनीले परराष्ट्र मन्त्री राणा देउवालाई एक विद्युतिय पत्र पठाउँदै कार्यकाल सफलताको शुभकामना व्यक्त गरेको हो । नेपालको राजनैतिक अवस्था अस्थिर र जटिल बनेको समयमा परराष्ट्र मन्त्रालयमा राणा देउवा मन्त्रीका रुपमा पदस्थापन हुँदा नयाँ आशा जगाएको शुभकामना सन्देशमा उल्लेख छ ।
मरासिनीको अध्यक्षतामा अमेरिकामा क्रियाशील सो गैरआवासीय नेपाली एसोसिएशनले देउराली फाउण्डेशनमार्फत माडी क्षेत्रमा शिक्षा, स्वास्थ्य, सञ्चार र अन्य सामाजिक क्षेत्रमा आर्थिक सहायता र लगानी गरिआएको छ ।
