चितवन । कक्षा १२ को परीक्षामा सहभागी परीक्षार्थीहरुमध्ये ३.४७ जि.पि.ए.सहित माडी क्याम्पसकी छात्रा आरती चौधरी माडी नगरस्तरमा प्रथम हुनुभएको छ । व्यवस्थापन संकाय अन्तरगत कम्प्युटर साइन्स अध्ययनरत उहाँ सो संकायतर्फको प्रथम रहँदै समग्र परीक्षार्थीमध्ये पहिलो हुन सफल हुनुभएको हो ।
नगरस्तरको दोश्रो भने सोही क्याम्पस र संकायबाट सहभागी अस्मि बि.क. (३.४२ जि.पि.ए.) हुन सफल हुनुभएको छ । यस्तै, माडी क्याम्पसकै छात्रा सुचना भट्टराई ३.४१ जि.पि.ए. सहित नगरस्तरमा तेश्रो तथा शिक्षाशास्त्र संकायतर्फ प्रथम हुन सफल हुनुभएको छ ।
यसबाहेक बिज्ञान संकायतर्फ ३.३२ जि.पि.ए. सहित माडी मा.वि.का छात्र विपिन पोख्रेल र पशुविज्ञानतर्फ समान ३.१८ जि.पि.ए.सहित माडी मा.वि.कै छात्राद्वय आकृति महतो र हिसिना गिरीले प्रथम स्थान पाउनुभएको छ । दश जोड दुई तहमा बिज्ञान र पशुविज्ञान माडी मा.वि.मा मात्रै सञ्चालनमा रहेको हो ।
