चितवन । माडी नगरमा यसबर्ष दशैंको सुरुवात दशैं खुला नृत्य प्रतियोगितासंगै हुने भएको छ ।
असोज १७ गते विहीबार परेको घटस्थापना पर्वको साँझ ७ बजेदेखि १० बजेसम्म माडीको बसन्तपुर बजारमा ‘गोल्डन एमिनेन्ट ओपन फेस्टिभ डान्स कन्टेस्ट’ (खुला नृत्य प्रतियोगिता) सञ्चालन हुने भएको हो । कार्यक्रममा नेपालका चर्चित डान्स कलाकारहरुको विशेष प्रस्तुति समेत रहनेछ ।
स्वदेश एफ.एम.को आयोजना र माडी कला, साहित्य एवं साँस्कृतिक मञ्चको सह-आयोजनामा सञ्चालन हुन सो प्रतियोगितामा माडी नगर क्षेत्रभरीका १३ देखि २४ बर्ष उमेर समूहका एकल, युगल वा समूहमा डान्सरहरुले सहभागिता जनाउन सक्नेछन् ।
प्रतियोगितामा सहभागी हुन चाहनेहरुले यही असोज १५ गतेभित्र आफ्नो नृत्यको भिडियो रेकर्डिङ सहित स्वदेशको कार्यालय वा माडी कला, साहित्य एवं साँस्कृतिक मञ्चका सचिव प्रदीप सापकोटाको ह्वाट्सएप (९८६०९२६९८७) मा भिडियो पठाई नाम दर्ता गराउन सक्ने व्यवस्था गरिएको छ ।
