माडी, चितवन । नारायणगढ कमलनगरस्थित ३ वटा कपडा पसलमा गएराती आगलागी भएको छ ।
भरतपुर महानगरपालिका-३, कमलनगरमा उज्वल श्रेष्ठको ब्लक र जस्ताले छाएको दुई तले भवनमा हिमाल थापाद्वारा सञ्चालित हिमालयन युनिफर्म कपडा पसल, आमोद प्रसाद गुप्ताद्वारा सञ्चालित कुलकुर्ता कलेक्सन र सुरज जैसवालद्वारा सञ्चालित न्यू गणपति स्टोरमा विद्युतको तार सर्ट भई आगोलागी भएको थियो ।
शुक्रबार साँझ ७ः४० बजेको सममया लागेको आगो भरतपुर महानगरपालिकाको दुई वटा दमकल, प्रहरी र स्थानियको सहयोगमा आधा घण्टापछि नियन्त्रणमा आएको थियो । आगोलागीबाट भएको क्षतीको विवरण भने आउन बाँकी रहेको जिल्ला प्रहरी कार्यालय चितवनले जनाएको छ ।
