चितवन । मुग्लिङ्ग नारायणगढ सडक खण्डको नौकिलो भन्ने स्थानमा ट्रक दुर्घटना हुँदा दुई जनाको मृत्यु भएको छ भने तीन जना घाइते भएका छन् । नारायणगढबाट मुग्लिङ्गतर्फ जाँदै गरेको बागमती प्रदेश ०३–००१ ख. ३४९० नम्बरको ट्रक आइतबार साँझ इच्छाकामना गाउँपालिका ६ नौकिलोमा सडक किनारमा पल्टिएको हो ।
विज्ञापन १
चामल बोकेको सो ट्रक पल्टिँदा दुई जनाको च्यापिएर मृत्यु भएको र तीन जनाको उद्धार गरिएको जिल्ला प्रहरी कार्यालय चितवनले जनाएको हो । मृत्यु हुनेमा मकवानपुरको मकवानपुरगढी गाउँपालिका–६ बस्ने ३८ वर्षीय श्याम बजगाँई र सोही ठाउँका ३१ वर्षीय दिपक दाहाल रहेका छन् । घाइते तीन जनाको भरतपुरमा उपचार भइरहेको छ । ट्रकका चालक सकुशल रहेको र उनलाई नियन्त्रणमा लिइएको प्रहरीले जनाएको छ ।
विज्ञापन २
विज्ञापन ३
