माडी, चितवन । चितवन राष्ट्रिय निकुञ्जको ध्रुव रेन्ज पोस्ट नजिकं जंगली गैँडाको आक्रमणमा गम्भीर घाइते भएका एक पुरुषको उपचारको क्रममा आज (बुधवार) बिहान मृत्यु भएको छ ।
विज्ञापन १
मृत्यु हुनेमा माडी-७ किर्तनपुर (हाल भरतपुर महानगरपालिका-५ विकास चोक) बस्ने ५५ वर्षीय शिवराज भण्डारी रहनुभएको हो । चितवन मेडिकल कलेजमा उपचारको क्रममा आज बिहान ६ः२० बजे उहाँको मृत्यु भएको जिल्ला प्रहरी कार्यालय चितवनले जानकारी दिएको छ ।
विज्ञापन २
भरतपुरबाट बा.प्र. ०६००३ प. ४३३९ नम्बरको सुपर स्प्लिन्डर मोटरसाइकलमा माडीतर्फ आउने क्रममा माघ ३ गते दिउँसो साढे २ बजेको समयमा गैँडाको आक्रमणमा परी भण्डारी घाइते हुनुभएको थियो । उहाँलाई सुरुमा भरतपुर अस्पताल पठाइएकोमा पछि थप उपचारको लागि चितवन मेडिकल कलेज लगिएको थियो । घटना भएको छ दिनपछि उपचारको क्रममा उहाँको मृत्यु भएको हो ।
विज्ञापन ३
