चितवन । माडी-६, हरिनगरस्थित दिवाकर स्मृति बहुप्राविधिक शिक्षालयका प्राचार्य उपेन्द्र पोखरेलको सरुवा भएको छ ।
शिक्षालय प्रमुख (प्राचार्य) पोखरेलको सि.टि.ई.भि.टी. परीक्षा नियन्त्रक कार्यालयको उपनियन्त्रक पदमा काठमाडौं सरुवा भएको हो । २०७७ चैत्र १५ गतेदेखि शिक्षालयको प्राचार्यका रुपमा जिम्मेवारी सम्हाल्नुभएका उहाँको ४ बर्षे कार्यकालमा शिक्षालयमा भौतिक निर्माणमा उल्लेख्य काम भएको छ ।
यस अवधीमा शिक्षालयमा सभाहल (अडिटोरियम), आवास गृह, कक्षाकोठा भवन, प्रयोगशाला, पशुफार्म, ग्यारेज, क्यान्टिन लगायतका भौतिक निर्माण एवं कम्पाउण्डिङको काम हुनुका साथै यातायात (बस) व्यवस्थापन समेत भएको देखिन्छ ।
शिक्षालयमा हाल सिभिल ईञ्जिनियरिङ्ग, कृषि (पशु विज्ञान) र फार्मेसी बिषयमा तीनबर्षे डिप्लोमा तह सञ्चालनमा रहेका छन् । त्यसैगरी यसै बर्षबाट विशेष छात्रवृत्ति कोटमा हेल्थ हसिस्टेन्ट (एच.ए.) कार्यक्रम समेत सञ्चालन हुनलागेको अवस्था छ ।
